យុវវ័យដែលទទួលទានអំបិលតិចអាចកាត់បន្ថយគ្រោះថ្នាក់នាពេលអនាគត
មានការស្រាវជ្រាវថ្មីមួយបង្ហាញថា យុវវ័យដែលទទួលទានអំបិលតិច អាចកាត់បន្ថយគ្រោះថ្នាក់នាពេលអនាគតដូចជា ជំងឺលើសឈាម ជំងឺបេះដូង និងជំងឺដាច់សរសៃឈាមក្នុងខួរក្បាល។ ការកាត់បន្ថយបរិមាណអំបិលនៅក្នុងអាហារ អាចធ្វើឲ្យយុវវ័យរស់នៅបានអាយុវែងជាងមុនដោយគ្មានការព្រួយ បារម្ភពីជំងឺលើសឈាម។
អត្ថប្រយោជន៍ផ្សេងទៀតនៃការទទួលទានអំបិលតិចគឺយើង អាចផ្លាស់ប្តូររស់ជាតិរបស់អាហារបាន និយាយរួមគឺធ្វើឲ្យវាមានរស់ជាតិសាបជាងមុន។ អ្នកនិពន្ធការសិក្សានេះបានចង្អុលបា្រប់ថា នៅក្នុងសហរដ្ឋអាមេរិច យុវវ័យគឺជាអតិថិជនសំខាន់ជាងគេដែលទទួលទានអំបិល ៩ ក្រាមក្នុង១ថ្ងៃ ដែលនេះជាកំរិតខ្ពស់ជាងគេបើធៀបជាមួយក្រុមអតិថិជនផ្សេងៗទៀត។
នៅកំរិត ៣,៨០០ មីលីក្រាមនៃ សូដ្យូមគឺស្មើនឹងពីរដងនៃកំរិតអនុសាសន៍ AHA សំរាប់ការទទួលទានប្រចាំថ្ងៃ (១,៥០០ មីលីក្រាម)។ យោងទៅតាមអ្នកសិក្សាបានឲ្យដឹងថា ការកាត់បន្ថយកំរិតអំបិល ៣ក្រាមក្នុងអាហាររៀងរាល់ថ្ងៃ អាចកាត់បន្ថយកំរិតគ្រោះថ្នាក់ពីជំងឺ លើសឈាមបានពី ៤៤ ទៅ ៦៣ ភាគរយ សំរាប់យុវវ័យ និងពី ៣០ ទៅ ៤៣ ភាគរយ សំរាប់មនុស្សអាយុពី ៣៥ ទៅ ៥០ ឆ្នាំ៕
