អូរ៉ាល់សិចបង្កមហារីកមាត់ និងបំពង់ក
អ្នកវិទ្យាសាស្ត្រនិយាយថា ៦៤ភាគរយនៃមហារីកមាត់ ក្បាល និងក ក្នុងសហរដ្ឋអាមេរិក បណ្ដាលមកពីវីរុស Human Papillomavirus (HPV) ដែលជាទូទៅរាលដាលពីការធ្វើអូរ៉ាល់សិច។ នេះបើតាមរបាយការណ៍របស់ វិទ្យុជាតិសាធារណៈ (NPR)។ អ្នកបន្តឱរ៉ាល់សិចកាន់តែច្រើន ភាពប្រឈមនឹងការវិវត្តន៍មហារីកប្រភេទនេះ ក៏ច្រើនដែរ។
មនុស្សដែលមានដៃគូចាប់ពី ៦នាក់ឡើងក្នុងជីវិត ដែលធ្វើអូរ៉ាល់សិចនៅពេលរួមភេទ មានការប្រឈមនឹងជំងឺមហារីក ៨ដងច្រើនជាង បើប្រៀបធៀបនឹងមនុស្សធម្មតាដែលមិនធ្លាប់ធ្វើអូរ៉ាល់សិច។
ដំណឹងនេះ បានដាស់ស្មារតីឪពុកម្ដាយមួយចំនួន ដែលកំពុងបារម្ភពីការញៀនអូរ៉ាល់សិចរបស់កូនៗពួកគេ។ របាយការណ៍បានបន្តថា យុវវ័យក្នុងពេលបច្ចុប្បន្នយល់ថាការធ្វើអូរ៉ាល់សិចជារឿង ធម្មតា មានសុវត្ថិភាព និងមានគ្រោះថ្នាក់តិចជាងការរួមភេទពិតប្រាកដ។
តាមរយៈ សមាគមមហារីកមាត់ (OCF) បានគូសបញ្ជាក់ថា ឆ្នាំនេះ ជនជាតិអាមេរិក ៣៧. ០០០នាក់ នឹងត្រូវធ្វើរោគវិនិច្ឆ័យ រកជំងឺមហារីកមាត់និងបំពង់ក។ ហើយមនុស្ស ៨. ០០០នាក់ នឹងស្លាប់ដោយរោគមហារីកនេះ៕
