៧ហេតុផល នាំឲ្យស្ត្រីមិនចង់រួមភេទ
បើជីវិតសិចរបស់លោកអ្នកប្រែក្លាយទៅជាគ្មានរសជាតិដោយភាគីស្ត្រីជាគូជីវិតមិនចាប់អារម្មណ៍ ហើយបើបណ្តោយទុកយូរៗទៅអាចឈានដល់ផ្លូវបំបែកបាន។ ដូចនេះ ចូរសង្កេតមើលថា តើហេតុផលអ្វីដែលស្ត្រីមិនចង់រួមភេទ។
១-មានរឿងសៅហ្មងក្នុងចិត្តនឹងគ្នា
ស្ត្រីគ្រប់រូបច្រើនតែគ្មានអារម្មណ៍ជាមួយនឹងបុរសដែលខ្លួនខឹង។ វាជាសំណាងអាក្រក់របស់បុរស ដែលប៉ះចំស្ត្រីពូកែង៉ក់ង លាក់ទុកភាពសៅហ្មងក្នុងចិត្តមិនព្រមនិយាយប្រាប់គ្នាដោយត្រង់ៗថា អ្វីខ្លះដែលបុរសជាគូស្នេហ៍បានធ្វើខុស ឯបុរសវិញ ក៏ពុំបានដឹងច្បាស់ប្រាកដថា តើខ្លួនឯងបានធ្វើអ្វីខុស នេះជាហេតុផលមួយ ដែលស្ត្រីគ្មានអារម្មណ៍នឹងរួមភេទ ។
២-រវល់និងកិច្ចការងារផ្សេងៗ
ការដែលស្ត្រីមិនសូវចាប់អារម្មណ៍ក្នុងរឿងសិច ក៏ព្រោះតែរវល់នឹងកិច្ចការងារផ្សេងដូចជា កិច្ចការនៅកន្លែងធ្វើការ ឬការងារផ្ទះសម្បែង ហាត់ប្រាណ ចេញទៅជាប់លៀងជួបជុំមិត្តភក្តិ ។ ភាពនឿយហត់ទាំងនេះហើយ ដែលធ្វើឲ្យស្ត្រីពុំសូវចាប់អារម្មណ៍នឹងសេចក្តីត្រូវការរបស់បុរស។
៣-មានអារម្មណ៍ថា មិនចូលចិត្ត
ស្ត្រីខ្លះមិនចូលចិត្តសិចទេ ទើបក្លាយទៅជាការគេចវេសពីការរួមរ័ក បើដូច្នេះមែន បុរសគួរតែស៊ើបមើលថា នាងធ្លាប់ជួបនូវបទពិសោធន៍សិចអាក្រក់ៗ ពីមុនមកដែរ ឬយ៉ាងណា ទើបនាំឲ្យនាងមិនចូលចិត្តការរួមភេទ បើជាការពិត ចូរផ្លាស់ប្តូរគំនិតរបស់នាង ដោយបង្ហាញនូវក្បាច់រួមភេទ ដ៏សែនក្តៅរោលរាល ឲ្យនាងបានឃើញ និងធ្វើឲ្យនាងជាប់ចិត្តជាមួយនឹងរសជាតិ ដែលធ្វើឲ្យការមិនចូលចិត្តប្រែក្លាយទៅជាចូលចិត្តវិញបាន ។
៤-ដោយសារការមិនដឹង
សិចគឺជារឿងស្ថិតក្នុងទីកំបាំង និងជារឿងសម្ងាត់ផ្ទាល់ខ្លួន ថែមទាំងមានបច្ច័យជាច្រើនទៀតរួមផ្សំ ។ បើអ្នកមិនធ្លាប់ភ្លក្សរសជាតិនៃជីវិតផ្លូវភេទ នឹងមិនអាចយល់យ៉ាងស៊ីជម្រៅបានឡើយ ។ ដូចជាការធ្វើឱរ៉ាល់សិចឲ្យបុរសគូស្នេហ៍ជាលើកដំបូង ដែលស្ត្រីភាគច្រើនមានអារម្មណ៍ថា ជារឿងគួរឲ្យខ្ពើមរអើម ។ លុះបានឆ្លងកាត់បទពិសោធន៍នេះ ច្រើនលើកច្រើនសាមក ទើបដឹងថា រឿងដែលគួរឲ្យខ្ពើមនោះ បែរជារឿងដែលនាងចង់ធ្វើ និងចូលចិត្តធ្វើ នៅពេលរួមភេទជាមួយគូស្នេហ៍។
៥-មានក្តីកង្វល់
ភាគីស្ត្រីអាចមានក្តីកង្វល់ កើតឡើងពីភាពមិនប្រាកដច្បាស់ក្នុងចិត្ត និងខ្លាចភាគីបុរសមិនទទួលខុសត្រូវ ក្នុងរឿងដែលបានកើតឡើង ។ បច្ច័យទាំងនេះ សុទ្ធតែជាឧបសគ្គអារម្មណ៍ ដែលធ្វើឲ្យស្ត្រីគ្មានអារម្មណ៍រួមភេទ ។
៦-មិនជឿជាក់លើរូបសម្បត្តិខ្លួនឯង
បើស្ត្រីមានអារម្មណ៍គិតថា ខ្លួនឯងមិនសិចស៊ីទេនោះ នាងក៏មិនចង់មានការរួមភេទនោះដែរ ។ ដូច្នេះបុរសគួរនិយាយផ្តល់កម្លាំងចិត្តឲ្យស្ត្រី ដើម្បីបន្ធូរបន្ថយនូវបរិយាកាសមិនប្រាកដប្រជាក្នុងចិត្ត ព្រមទាំងធ្វើឲ្យនាងមានអារម្មណ៍ពេញចិត្តនឹងរូបរាង មុខមាត់និងមានភាពជឿជាក់លើខ្លួនឯង។
៧-ទទួលបាននូវភាពដដែលៗ
ជួនកាល ហេតុផលដែលធ្វើឲ្យស្ត្រីគ្មានអារម្មណ៍រួមភេទនោះ គឺក្បាច់ដដែលៗ គ្មានអ្វី ប្លែក ។ ដូច្នេះ ដើម្បីកែខៃបញ្ហានេះ ភាគីបុរសត្រូវរិះរកតិចនិកប្លែកៗ មកសាកល្បងអនុវត្ត ដូចជាផ្លាស់ ប្តូរ ទីកន្លែងរួមរ័ក ប្តូរក្បាច់វាយលុក ប្តូរវិធីក្នុងការបបោសអង្អែលជាដើម ៕
