ក្មេងជំទង់គេងមិនគ្រប់គ្រាន់ប្រឈមអត្ដចរិតមិនល្អ
ការសិក្សាថ្មីបានឲ្យដឹងថា ក្មេងជំទង់អាមេរិកប្រមាណ២ភាគ៣ ដែលទទួលទានដំណេកតិចជាង៨ម៉ោងនៅពេល រាត្រីអំឡុងការសិក្សា អាចមានអត្រាជក់បារី ព្រមទាំងផឹកគ្រឿងស្រវឹងនិងឈ្លោះទាស់ទែងគ្នាច្រើន។
ក្នុងការស្ទង់មតិមួយលើក្មេងជំទង់ជាង១២០០០នាក់ នៅសហរដ្ឋ អាមេរិក បានឲ្យដឹងថា ៦៨,៩ភាគរយនៃក្មេងជំទង់ បានរាយការណ៍ថា ជាមធ្យមពួកគេគេងតិចជាង៨ម៉ោងនៅរាត្រីនៃថ្ងៃសិក្សា។ ១០នាក់ក្នុងចំណោម១១នាក់នៃសិស្សនិស្សិតដែលគេងមិនគ្រប់ ងាយវិវត្តទៅរកអត្ដចរិតគ្រោះថ្នាក់ ជាងសិស្សនិស្សិតដែលគេងបានលើសពី៨ម៉ោងក្នុងមួយរាត្រីនៃថ្ងៃ សិក្សា។ អត្ដចរិតទាំងនោះ រួមមានការជក់បារីនិងកញ្ឆាព្រមទាំងពិសារគ្រឿងស្រវឹង។
សិស្សនិស្សិតដែលគេងតែប៉ុន្មានម៉ោងក៏ច្រើនជាអ្នកមិនសូវធ្វើ ការ ហាត់ប្រាណ ប៉ុន្ដែសកម្មក្នុងការរួមភេទ និងងាយមានជម្លោះកាប់ចាក់គ្នានិងអំពើអត្ដឃាតផងដែរ។ ពួកគេតែងតែប្រើកុំព្យូទ័រច្រើនលើសពី៣ម៉ោងក្នុងមួយថ្ងៃ។ មជ្ឈមណ្ឌលគ្រប់គ្រង និងការពារជំងឺ អាមេរិកបានឲ្យដឹងថា ការសិក្សា ដែលបានចុះផ្សាយតាមអ៊ីនធឺណិតដោយប្រតិបត្ដិឱសថបង្ការត្រូវបានជឿថា គឺជាការស្ទង់មតិនៃការសិក្សាថ្នាក់ជាតិដ៏ធំមួយផងដែរ៕
