ព័ត៌មាន​សុខភាព​ជា​សាខា​របស់​សារព័ត៌មាន​ឃែមបូឌាញូស៍ ។ យើង​នឹង​ប្រមូល​រាល់​ព័ត៌មាន​ទាំងឡាយ​ទាក់ទិន​នឹង​សុខភាព​ពី​បណ្តាញ​សារព័ត៌​មានជាតិ និង​អន្តរជាតិ​នានា និង​តាមរយៈ​អ្នក​យក​ព័ត៌មាន​របស់​យើង​សម្រាប់​ជា​ប្រយោជន៍​ដល់​មិត្ត​អ្នកអាន ។ យើង​នឹង​ក្លាយ​ជា​គេហ​ទំព័រ​ដែល​ជា​បណ្តុំ​ព័ត៌មាន​ផ្នែក​សុខភាព ។យើង​នឹង​តាម​ឃ្លាំ​មើល​ដោយ​យក​ចិត្ត​ទុកដាក់​លើ​វិជ្ជាជីវៈ​របស់​គ្រូពេទ្យ គ្លីនិក អាហារដ្ឋាន រោងចក្រ សហគ្រាស សិប្បកម្ម​តូច​ធំ និង​ទីកន្លែង​ផ្សេងៗ​ទៀត ដោយ​រូម​ទាំង​មន្រ្តី​ពាក់ព័ន្ធ​ផង​ ដែល​បង្ក​បញ្ហា​ធ្វើ​ឲ្យ​ប៉ះ​ពាល់​សុខភាព​បុគ្គល សុខភាព​គ្រួសារ សុខភាព​សហគមន៍​និង​សុខភាព​សង្គម ។សូម​ទាក់ទង​ការិយាល័យ​និពន្ធ​តាម​ទូស័ព្ទ ០១៧ ៥៣៥ ៥៣៥ និងអ៊ីមែល cambodia_news@yahoo.com

ពុលដំឡូងមីមួយ​គ្រួសារ ស្លាប់កូនស្រី​ម្នាក់ក្នុង​ចំណោម​៧​នាក់​

ក្រុម​គ្រួសារ​ក្រីក្រ​មួយ​មាន​ទីលំនៅ​ភូមិ​សំរោង សង្កាត់​ផ្សារ​ឆ្នាំង ​​ខេត្ត​កំពង់ឆ្នាំង បាន​ពុល​ដំឡូង​មី បណ្ដាល​ឲ្យ​អ្នក​ខ្លះ រាគ​ក្អួត ចង្អោរ ហើយ​ត្រូវ​បាន​បុរស​ជា​ឪពុក​ដឹក​ទៅ​សង្រ្គោះ​នៅ​មន្ទីរ​បង្អែក​ខេត្ត​កំពង់​ឆ្នាំ​ង​ ។

នៅ​ក្នុង​ហេតុ​ការណ៍​ពុល​ដំ​ឡូង​នេះ​បុរស​ជា​ប្ដី​បាន​ប្រាប់​អ្នក​យក​ព័តមាន​​​ថា នៅ​ម៉ោង​ប្រហែល​១​រសៀល ថ្ងៃទី​២២ ​​មិថុនា​ ២០១១ ​ ប្រពន្ធ​របស់​ខ្លួន​ឈ្មោះ ជៀប សុលាង អាយុ​២៦​  បាន​ទិញ​ដំបូង​មី​នៅ​ឆៅ​ទម្ងន់​២​គីឡូក្រាម​ពី​ផ្សារ​លើ យក​មក​ស្ងោរ​ឲ្យ​កូន​ៗ​ទាំង​៧​នាក់​បរិ​ភោគ​​ លុះ​ដល់​ម៉ោង​៧​យប់​ថ្ងៃ​ទី ​២២ ​ដដែល​ប្រពន្ធ ​និង​កូន​មាន​អាការៈ​ក្អួត ចង្អោរ និង​រាគ បន្ត​បន្ទាប់​គ្នា​ ពេល​នោះ​​គាត់​ក៏​បាន​ដឹក​យក​ទៅ​សង្រ្គោះ​នៅ​មន្ទីរ​ពេទ្យ​ខេត្ត​ វេលា​ម៉ោង​៨​និង​៣០​ នាទី។

ក្រុម​គ្រូ​ពេទ្យ​បាន​នាំ​​គ្នា​ជួយធ្វើ​ការ​​សង្រ្គោះ​ ប៉ុន្តែ​ជា​អកុសល​នៅ​វេលា​ម៉ោង​១​យប់​រំលង​អធ្រាត្រ​ឈាន​ចូល​ថ្ងៃ​ទី ​២៣ ​​មិថុនា កូនស្រី​ម្នាក់​ឈ្មោះ​ ណំ សុលីន អាយុ​៦​ឆ្នាំ បាន​ស្លាប់​បាត់​បង់​ជីវិត​ ដោយ​សារ​តែ​អាការៈ​ពុល​មាន​សភាព​ធ្ងន់ធ្ងរ​ពេក ។ ហើយក្រុម​គ្រូ​ពេទ្យ​បាន​ឲ្យ​ដឹង​ថា អាការៈ​ពុល​នេះ​គឺ​បណ្ដាល​មក​ពី​បរិភោគ​ដំឡូងមី។

គ្រួសារ​នេះ​មាន​ជីវភាព​ក្រខ្សត់​​លំបាក វេទនា រក​អង្ករ​ច្រក​ឆ្នាំង​មិន​មាន​ទេ ដោយ​ប្រកប​មុខ​របរ​លក់​ត្រី​បន្ត​បាន​កម្រៃ ប្រមាណ​៥០០០​រៀល​ក្នុង​មួយ​ថ្ងៃ។ ហើយ​នាង​ជា​ម្ដាយ​តែង​តែ​ទិញ​ដំឡូងមី មក​ស្ងោរ​ឲ្យ​កូន​ៗ​បរិភោគ​ជា​អាហារ​មិន​ដែល​ជួប​ហេតុការណ៍​ពុល​នោះ​ទេ ​ទើប​តែ​ពេល​នេះ​បរិភោគ​ទៅ​ពុល​មួយ​គ្រួសារ និង​បណ្ដាល​ឲ្យ​កូន​ស្រី​អាយុ​៦​ឆ្នាំម្នាក់​​​ស្លាប់ យ៉ាង​អាណោច​អាធ័ម​បែប​នេះ៕

 

Leave a Response