ព័ត៌មាន​សុខភាព​ជា​សាខា​របស់​សារព័ត៌មាន​ឃែមបូឌាញូស៍ ។ យើង​នឹង​ប្រមូល​រាល់​ព័ត៌មាន​ទាំងឡាយ​ទាក់ទិន​នឹង​សុខភាព​ពី​បណ្តាញ​សារព័ត៌​មានជាតិ និង​អន្តរជាតិ​នានា និង​តាមរយៈ​អ្នក​យក​ព័ត៌មាន​របស់​យើង​សម្រាប់​ជា​ប្រយោជន៍​ដល់​មិត្ត​អ្នកអាន ។ យើង​នឹង​ក្លាយ​ជា​គេហ​ទំព័រ​ដែល​ជា​បណ្តុំ​ព័ត៌មាន​ផ្នែក​សុខភាព ។យើង​នឹង​តាម​ឃ្លាំ​មើល​ដោយ​យក​ចិត្ត​ទុកដាក់​លើ​វិជ្ជាជីវៈ​របស់​គ្រូពេទ្យ គ្លីនិក អាហារដ្ឋាន រោងចក្រ សហគ្រាស សិប្បកម្ម​តូច​ធំ និង​ទីកន្លែង​ផ្សេងៗ​ទៀត ដោយ​រូម​ទាំង​មន្រ្តី​ពាក់ព័ន្ធ​ផង​ ដែល​បង្ក​បញ្ហា​ធ្វើ​ឲ្យ​ប៉ះ​ពាល់​សុខភាព​បុគ្គល សុខភាព​គ្រួសារ សុខភាព​សហគមន៍​និង​សុខភាព​សង្គម ។សូម​ទាក់ទង​ការិយាល័យ​និពន្ធ​តាម​ទូស័ព្ទ ០១៧ ៥៣៥ ៥៣៥ និងអ៊ីមែល cambodia_news@yahoo.com

ការ​ជជែក​គ្នា​ពី​គុណសម្បត្តិ និង​គុណវិបត្តិ​នៃ​សារព័ត៌មាន​បែប​ថ្មី​

លោក ឆាយ សុផល និពន្ធ នាយក ព័ត៌មាន សុខភាព របស់ សារព័ត៌មាន Cambodia News ត្រូវ បាន អញ្ជើញ ធ្វើ ជា វាគ្មិន កិត្តិយស ក្នុង កិច្ច ពិភាក្សា តុ មូល នេះ

នា​ព្រឹក​ថ្ងៃ​ទី ៣១ ធ្នូ ឆ្នាំ ២០១០ នេះ​នៅ​សណ្ឋាគារ​សាន់វេ ក្នុង​រាជធានី​ភ្នំពេញ ក្លឹប​អ្នកកាសែត​កម្ពុជា​បាន​​រៀបចំ​កិច្ច​ពិភាក្សា​តុ​មូល​មួយ​ស្ដី​ប្រធាន​បទ​ សារព័ត៌មាន​បែប​ថ្មី និង​ឥទ្ធិពល​លើ​នយោបាយ។
លោក ឆាយ សុផល និពន្ធ​នាយក​ ព័ត៌មាន​សុខភាព របស់​សារព័ត៌មាន Cambodia News ត្រូវ​បាន​អញ្ជើញ​ធ្វើ​ជា​វាគ្មិន​កិត្តិយស​ក្នុង​កិច្ច​ពិភាក្សា​តុ​មូល​នេះ ដោយ​ផ្ដោត​លើ​ការ​ពិភាក្សា​បី​ចំណុច គឺ​ទី​មួយ​ប្រវត្តិ​របស់ Wikileaks ទីពីរ​ឥទ្ធិពល​ព័ត៌មាន​សម្ងាត់​របស់​អាមេរិក​លើ​ការ​ទំនាក់ទំនង​រវាង​អាមេរិក​និង​បរទេស ដោយ​រួម​ទាំង​កម្ពុជា​ផង និង​ទី​បី​គឺ​មេរៀន​នៃ​ព័ត៌មាន​សម្ងាត់​របស់​អាមេរិក​ដែល Wikileaks បាន​បញ្ចេញ សម្រាប់​រាជរដ្ឋាភិបាល និង​សារព័ត៌មាន​កម្ពុជា។

គោលបំណង​នៃ​កិច្ចពិភាក្សា​នេះ​ចង់​ផ្ដោត​លើ​វិជ្ជាជីវៈ​សារព័ត៌មាន​បែប​ទំនើប​ទាក់ទិន​និង​គុណសម្បត្តិ និង​គុណវិបត្តិ​នៃ​សារព័ត៌មាន​បែប​ថ្មី​នេះ។

គួរ​បញ្ជាក់​ដែរ​ថា សារព័ត៌មាន​បែប​ថ្មី​គឺ​សំដៅ​លើ​ប្រព័ន្ធ​បច្ចេកវិទ្យា​ព័ត៌មាន​ទំនើប រហ័ស​និង​ងាយ​ស្រួល​ទាំង​ការ​ផ្ដល់ និង​ការ​ទទួល​ព័ត៌មាន ដោយ​រួម​ទាំង​ការ​ទំនាក់ទំនង​ផង​ដែរ ដែល​ក្នុង​នោះ​មាន​គេហទំព័រ មាន Facebook, មានblogs, និង​មានTweeter ជា​ដើម ហើយ​ពញ្ញាក់​អារម្មណ៍​ដល់​អ្នក​ប្រើប្រាស់​សារព័ត៌មាន​បែប​ថ្មី​នេះ​គិត​ពី​ក្រម​សីលធម៌ និង​គោរពច្បាប់​ដែល​ទាក់ទិន​នឹង​ការផ្សាយ​ព័ត៌មាន​មិន​ពិត ការ​បង្ក​អសន្តិសុខ​ជាតិ ការ​ជំរុញ​ឲ្យ​មាន​ការ​រើសអើង ការ​មាក់ងាយ ​បង្ក​ជម្លោះ​ជាតិ​សាសន៍ សាសនា និង​ការ​ជ្រៀតជ្រែក​ជីវិត​ឯកជន​ជា​ដើម ដែល​ចំណុច​ទាំង​អាច​ប្រឈម​នឹង​ការ​ចោទ​ប្រកាន់​ពី​តុលាការ និង​ជាប់​ពន្ធនាគារ។

អ្នក​សារព័ត៌មាន មន្ត្រី​មក​ពី​ស្ថាប័ន​រាជរដ្ឋាភិបាល និង​សង្គម​ស៊ីវិល​ប្រមាណ​ជា ៦០ រូប​បាន​ចូល​រួម​ក្នុង​ពិធី​នោះ៕

អ្នកចូលរួមក្នុងកិច្ចពិភាក្សា


Leave a Response