Cambodia Health (សុខភាពកម្ពុជា)

ការរួមភេទមិនប៉ះពាល់អ្នកកើតជំងឺគាំងបេះដូង

អំពីយើង — Thu, 17 May 2012 02:06:52 +0000

អ្នកជំងឺគាំងបេះដូងជាច្រើននាក់ បានព្រួយបារម្ភនឹងសុវត្ថិភាពក្នុងពេលរួមភេទ ដោយសារតែពួកគេអាចគាំងបេះដូងក្នុងកំឡុងពេលនោះ។ ទោះបីជាយ៉ាងណាក្ដី ការរួមភេទមិនមែនជាសកម្មភាពគ្រោះថ្នាក់ខ្លាំងសម្រាប់អ្នកជំងឺ គាំងបេះដូងនោះទេ ខណៈដែលមានតែមួយភាគរយប៉ុណ្ណោះនៃអ្នកជំងឺនេះ ដែលជួបគ្រោះថ្នាក់ពេលរួមភេទ។

ការសិក្សាថ្មីមួយបានបង្ហាញថា បុរសជាងពាក់កណ្ដាល និងស្រ្ដីពីរភាគបីនៃអ្នកជំងឺបេះដូង មិនបានទទួលដំបូន្មានពីគ្រូពេទ្យនោះទេ។ មូលហេតុនេះហើយ ទើបធ្វើឲ្យអ្នកជំងឺបេះដូងដល់ទៅ ៤០ភាគរយ មិនអាចរីករាយនឹងជីវិតសិចរបស់ពួកគេ ខណៈដែលមានអ្នកខ្លះទៀត បានលះបង់ជីវិតសិចទាំងស្រុង។

អ្នកស្រីវេជ្ជបណ្ឌិត Stacy Tessler Lindau អ្នកដឹកនាំការស្រាវជ្រាវមកពីសាកលវិទ្យាល័យ Chicago បានថ្លែងថា វេជ្ជបណ្ឌិតជំងឺបេះដូង គួរពន្យល់អ្នកជំងឺកុំឲ្យភ័យភ្លាច និងបារម្ភចំពោះហានីភ័យ នៅពេលពួកគេរួមភេទ៕

ញ៉ាំអាហារលឿនពេកមិនល្អចំពោះសុខភាព

អំពីយើង — Thu, 17 May 2012 01:39:45 +0000

ការស្រាវជ្រាវថ្មីមួយ បានបង្ហាញថា អ្នកដែលញ៉ាំអាហារលឿន អាចប្រឈមមុខនឹងហានីភ័យនៃការកើតជំងឺទឹកនោមផ្អែមប្រភេទពីរ ដល់ទៅ ២,៥ដង លើសអ្នកញ៉ាំក្នុងល្បឿនធម្មតា។

ជំងឺទឹកនោមផ្អែមប្រភេទពីរ គឺជាជំងឺដែលកំពុងកើនឡើងនៅប្រទេសជាច្រើនលើពិភពលោក។ ដោយសារតែបែបនេះហើយ ទើបក្រុមអ្នកស្រាវជ្រាវជាច្រើន បានប្រឹងប្រែងក្នុងការស្វែងរកពីកត្តាហានីភ័យទាំងឡាយ ដើម្បីជួយកាត់បន្ថយឱកាសនៃការវិវឌ្ឍទៅរកជំងឺដ៏សាហាវនេះ។

ក្រុមអ្នកស្រាវជ្រាវបានធ្វើការត្រួតពិនិត្យទៅលើ មនុស្ស ៤៦៨នាក់ ដែលគ្មានជំងឺទឹកនោមផ្អែម និងមនុស្ស ២៣៤នាក់ ដែលកើតជំងឺនេះ។ ក្រោយពីធ្វើការសាកសួរពីទម្លាប់នៃការញ៉ាំអាហារ (លឿន យឺត ឬធម្មតា) ក្រុមអ្នកស្រាវជ្រាវក៏បានវាស់កម្ពស់ និងថ្លឹងទម្ងន់នៃអ្នកចូលរួមទាំងអស់នោះផងដែរ។

ក្រោយពីដកកត្តាហានីភ័យផ្សេងៗ ដូចជាសន្ទស្សន៍ម៉ាស់ក្នុងខ្លួន (BMI) និងការជក់បារីជាដើមនោះ ក្រុមអ្នកស្រាវជ្រាវបានរកឃើញថា ជំងឺទឹកនោមផ្អែមប្រភេទពីរ មានទំនាក់ទំនងជាមួយនឹងការញ៉ាំអាហារលឿន៕

ញ៉ាំស៊ុតចៀនពេលព្រឹកល្អសម្រាប់សុខភាព

អំពីយើង — Thu, 17 May 2012 01:15:54 +0000

យោងតាមការសិក្សាស្រាវជ្រាវថ្មីមួយរបស់អាមេរិក បានបង្ហាញថា ការញ៉ាំស៊ុតនៅពេលព្រឹក គឺពិតជាល្អ ខណៈដែលវាត្រូវបានគេរកឃើញថា អាចជួយមិនឲ្យឆាប់ឃ្លាន ហើយក៏ជួយរក្សារាងឲ្យស្ល៊ីមស្អាតផងដែរ។

ក្រុមអ្នកស្រាវជ្រាវមកពីមជ្ឈមណ្ឌលស្រាវជ្រាវ Pennington Biomedical នៅរដ្ឋ Louisiana សហរដ្ឋអាមេរិក បានរកឃើញថា ស៊ុតអាចបញ្ចុះនូវកម្រិតអ័រម៉ូន Ghrelin ដែលធ្វើឲ្យឃ្លាន និងបង្កើនកម្រិតអ័រម៉ូន PYY3-36 ដែលជួយរក្សាភាពឆ្អែតបានយូរ ដែលមានន័យថា ប្រសិនបើអ្នកញ៉ាំស៊ុតនៅពេលព្រឹក នោះអ្នកអាចពន្យារពេលញ៉ាំអាហារពេលថ្ងៃបាន។

លោកវេជ្ជបណ្ឌិត Nikhil Dhuandhar ដែលដឹកនាំការស្រាវជ្រាវនេះ បានថ្លែងថា ស៊ុតអាចនាំអ្នកដែលធាត់លើសទម្ងន់ឲ្យសម្រកទម្ងន់បានយ៉ាងជោគជ័យ បន្ថែមលើប្រូតេអ៊ីនដែលមានជាច្រើននៅក្នុងស៊ុត៕

ម្ដាយធាត់ អាចប៉ះពាល់សុខភាពកូនក្នុងផ្ទៃ

អំពីយើង — Thu, 17 May 2012 01:08:24 +0000

ស្ដ្រីមានផ្ទះពោះដែលធាត់លើសទម្ងន់ មិនត្រឹមតែអាចធ្វើឲ្យកូនក្នុងផ្ទៃកើតមកធាត់ជ្រុលប៉ុណ្ណោះទេ ប៉ុន្ដែថែមទាំងអាចបង្កជាហានីភ័យចំពោះសុខភាពរបស់កូន នៅពេលពួកគេធំដឹងក្ដីផងដែរ។

នេះជាលទ្ធផលនៃការស្រាវជ្រាវថ្មីមួយ ដែលបង្ហាញពីហានីភ័យថ្មីនៃការការធាត់នៅពេលមានផ្ទៃពោះ។ ម្ដាយធាត់ កូនកើតមកភាគច្រើនធាត់ គឺជារឿងចាស់ដែលមនុស្សភាគច្រើនបានដឹង ប៉ុន្ដែការបន្តមរតកនៃបញ្ហាសុខភាពទៅឲ្យកូននៅពេលពួកគេធំពេញ វ័យនោះ គឺជារឿងថ្មីដែលទើបនឹងរកឃើញ។

ការសិក្សានេះបានបង្ហាញថា ក្រៅពីប៉ះពាល់ទម្ងន់របស់កូន ម្ដាយដែលមានធាត់ នឹងអាចបង្កជាបញ្ហាដល់សុខភាពជារួមរបស់កូន ដូចជាជំងឺលើសឈាម និងការកើនឡើងកម្រិតជាតិស្ករក្នុងឈាម និងកូឡេស្ទេរ៉ូល ដែលបង្កជាជំងឺសាហាវទៅថ្ងៃអនាគត ដូចជាជំងឺដាច់សរសៃឈាមក្នុងខួរក្បាល ជំងឺទឹកនោមផ្អែម និងជំងឺបេះដូង៕

មហារីកសុដន់គ្រោះថ្នាក់ខ្លាំងសម្រាប់បុរស

អំពីយើង — Tue, 08 May 2012 08:09:15 +0000

មហារីកសុដន់ ត្រូវបានគេដឹងយ៉ាងទូលំទូលាយថាជាជំងឺដែលកើតឡើងចំពោះស្រ្ដី ប៉ុន្ដែធាតុពិត បុរសក៏អាចកើតជំងឺនេះផងដែរ គ្រាន់តែមិនច្រើនដូចស្រ្ដីប៉ុណ្ណោះ។ ទោះបីជាវាជាជំងឺដ៏កម្រសម្រាប់បុរសក៏ពិតមែន ប៉ុន្ដែប្រសិនបើបុរសណាកើតវាហើយ គឺគ្រោះថ្នាក់ជាងស្រ្ដីទៅទៀត ពោលគឺអាចស្លាប់លឿនជាងស្រ្ដី។

មូលហេតុដែលបុរស មិនអាចទ្រាំទ្របានយូរជាមួយនឹងជំងឺនេះ គឺដោយសារតែបុរសដែលកើតជំងឺនេះ មិនបានដឹងខ្លួនថាកំពុងតែកើត ហើយរោគសញ្ញាសម្រាប់សម្គាល់ថាកើតជំងឺនេះ ក៏ចេញយឺតនោះដែរ ដែលហេតុនេះហើយ ការព្យាបាលក៏យឺតពេលនោះដែរ។

យោងតាមការស្រាវជ្រាវដ៏ធំបំផុតមួយ បានបង្ហាញថា ជាមធ្យម ស្រ្ដីដែលកើតមហារីកសុដន់ អាចរស់នៅបានយូរជាងបុរសចំនួនពីរឆ្នាំ។

ការស្រាវជ្រាវនេះ បានរកឃើញថា មហារីកសុដន់សម្រាប់បុរស គឺអាចរីករាលដាលដល់ផ្នែកផ្សេងទៀតនៃរាងកាយបានយ៉ាងឆាប់រហ័ស។ អ្វីដែលគួរឲ្យកត់សម្គាល់មួយទៀតគឺបញ្ហាអាយុ។ បុរសដែលកើតមហារីកសុដន់ គឺភាគច្រើនមានវ័យចំណាស់ជាងស្រ្ដី ពោលគឺជាមធ្យមបុរសមានអាយុ ៦៣ឆ្នាំ ខណៈស្រ្ដី ៥៩ឆ្នាំ៕

អាហារដែលល្អបំផុត និងអាក្រក់បំផុតសម្រាប់ការសម្រកទម្ងន់

អំពីយើង — Wed, 02 May 2012 01:24:20 +0000

ក្រោយពីការតាមដានលើបុរសស្រីចំនួន១២១,០០០នាក់ក្នុងរយៈពេល ២០ឆ្នាំមក អ្នកស្រាវជ្រាវនៅសាកលវិទ្យាល័យហាតវើឌ បានធ្វើការបោះផ្យាយជាសាធារណៈនូវប្រភេទអាហារ ដែលមានគុណប្រយោជន៍ល្អបំផុត និងអាក្រក់បំផុតសំរាប់ការសំរកទំងន់។

អាហារល្អបំផុត

សណ្តែក : ជាបន្សំគ្នាដ៏ល្អនៃសារធាតុធាត់អសរីរាង្គ និងជាតិសរសៃដែលមានប្រយោជន៍។

ទឹកដោះគោជូ : ជាប្រភពនៃជាតិកាល់ស្យូម និងបន្ថែមដោយជាតិប្រូបីយ៉ូទីកដែលល្អសំរាប់សុខភាពពោះវៀន។

ផ្លែឈើ : មានកំរិតខ្ពស់នៃសារធាតុទឺក សារធាតុប្រឆាំងរោគមហារីក និងជាតិវីតាមីនជាច្រើនប្រភេទ។

គ្រាប់ធញ្ជាតិ : ពោរពេញទៅដោយវីតាមីនB និងសារធាតុសរសៃដែលជំនួយដល់សុខភាព។

ម្ទេសផ្លោក : មានជាតិកាឡូរីទាប តែផ្ទុកដោយជាតិវីតាមីនច្រើន សារធាតុបំប៉នច្រើន និងសារធាតុសរសៃកំរិតខ្ពស់។

អាហារអាក្រក់បំផុត

ដំឡូងបារាំងបំពង : ការបំពងធ្វើឲ្យកើនឡើងនៃកំរិតជាតិកាឡូរី និងធ្វើឲ្យធាតុភ្លាមៗ។

ភេស្ជជៈមានជាតិផ្អែម : សូមបំភេ្លចចោលនូវភេស្ជជៈទាំងនេះ ដើម្បីរក្សាជាតិកាឡូរីក្នុងខ្លួនរបស់អ្នក។

សាច់សត្វពណ៌ក្រហម (សាច់គោ ឬចៀម) : សូមជៀសវាងឲ្យបាននូវសាច់ទាំងនោះ ពិសេសសាច់ជាប់ខ្លាញ់ ដូចជា សាច់ស្មាមុខ ឆ្អឺងជំនឺ ឬបីជាន់ជាដើម។

សាច់កែច្នៃ : ពពួកសាច់បែបនេះ ផ្ទុកទៅដោយជាតិនីត្រាត និងកំរិតខ្ពស់នៃសារធាតុដែលធ្វើឲ្យងាយឡើងទំងន់៕

ស្រ្ដីមានអារម្មណ៍ស្រ្ដេសប៉ះពាល់បេះដូង

អំពីយើង — Wed, 02 May 2012 01:08:59 +0000

ការសិក្សាស្រាវជ្រាវថ្មីមួយបានបង្ហាញថា ស្រ្ដីទទួលរងនូវគ្រោះថ្នាក់ខ្លាំងជាងបុរស ដោយសារតែពេលមានអារម្មណ៍ស្រ្ដេសខ្លាំងម្ដងៗ សម្ពាធឈាម និងចង្វាក់បេះដូង គឺសុទ្ធតែកើនឡើង។

ជាទូទៅនៅពេលដែលអត្រាបេះដូង និងសម្ពាធឈាមឡើងខ្ពស់ ឈាមដែលហូរទៅកាន់សាច់ដុំបេះដូង ក៏កើនឡើងដែរ ដែលអាចឲ្យបេះដូងធ្វើការកាន់ខ្លាំងជាងមុន។ យ៉ាងណាមិញ នៅក្នុងករណីនៃការសិក្សានេះ បើទោះជាអត្រាបេះដូងកើនឡើងក៏ដោយ ក៏ឈាមដែលហូរទៅកាន់បេះដូងរបស់ស្រ្ដីមិនកើនឡើងដែរ។

មានការស្រាវជ្រាវជាច្រើនផ្សេងទៀត ក៏បានបង្ហាញលទ្ធផលស្រដៀងគ្នានេះដែរ ដូចជា ស្រ្ដីអាចប្រឈមនឹងការគាំងបេះដូង នៅមានអារម្មណ៍ទុក្ខសោក និងស្រ្ដេសខ្លាំង ក្រោយមនុស្សជាទីស្រលាញ់ស្លាប់បាត់បង់ជីវិត។

ក្រុមអ្នកស្រាវជ្រាវបានបញ្ជាក់ជាចុងក្រោយថា នេះគឺជាសារមួយ សម្រាប់មនុស្សស្រីទាំងឡាយ ដែលដឹងខ្លួនថា កំពុងស្ថិតក្នុងអារម្មណ៍ស្រ្ដេសខ្លាំង សូមជួបពិភាក្សាជាមួយគ្រូពេទ្យជំនាញ ដើម្បីរកដំណោះស្រាយ៕

បញ្ជៀសទុក្ខសោករបស់សមាជិគ្រួសារពីអំពើហិង្សាក្នុងគ្រួសារ

អំពីយើង — Mon, 30 Apr 2012 07:15:19 +0000

ដោយ ហេង នាង

កាលពីថ្ងៃទី ៨ មីនា មុននេះ ទិវានារីអន្តរជាតិត្រូវបានគេប្រារព្ធធ្វើឡើងនៅទូទាំងប្រទេសដូចជារៀងរាល់ឆ្នាំដែរ។ ការប្រារព្ធពិធីនេះគឺដើម្បីជួយលើកស្ទួយសិទ្ធិស្រ្តី ក៏ដូចជាជួយបង្កើនការយល់ដឹងពីការទប់ស្កាត់អំពើហិង្សានានា ពិសេអំពើហិង្សាក្នុងគ្រួសារ ព្រោះនៅពេលមានអំពើហិង្សាក្នុងគ្រួសារកើតឡើង ស្រ្តីជាភរិយាគឺជាអ្នកទទួលរងគ្រោះមុនគេ ព្រោះពួកគេមានកម្លាំងទុនខ្សោយ និងមានការចេះដឹងតិចតូច។

នៅក្នុងទិវាអបអរសាទរសិទ្ធិនារីនាឆ្នាំ ២០១២ នេះ មន្ត្រីថ្នាក់ដឹកនាំជាច្រើនបានបង្កាញជាសាធារណៈពីការជូនបាច់ផ្កាដល់ឧត្ដមភរិយារបស់ខ្លួន។ ពិធីនេះជានិមិត្តរូបតំណាងឲ្យសេចក្ដីគោរពស្រឡាញ់របស់ស្វាមីចំពោះភរិយានៅចំពោះមុខសាធារណជន និងក្រុមអ្នកកាសែត និងទូរទស្សន៍ ដែលជាការលើកទឹកចិត្តដល់បុរសផ្សេងៗទៀតឲ្យចេះគោរព និងមានចិត្តខន្តីចំពោះភរិយា។

លោក ឆោម សីហា វ័យ ៣៧ ឆ្នាំ អ្នករត់ម៉តូឌុប បាននិយាយថា លោកសូមកោតសរសើរដល់មន្រ្តីទាំងនោះដែលបានចាក់ផ្សាយពីការផ្តល់បាច់ផ្កាដល់ភរិយាជាសាធារណៈបែបនេះ ដោយលោកបញ្ជាក់ថា «នេះជាការចលនាឲ្យបុរសជាប្តីចូលរួមធ្វើបែបនេះជាមួយនឹងពួកគាត់»។

លោក សីហាបន្ត «ចំពោះខ្ញុំ បើខ្ញុំមិនបានឲ្យបាច់ផ្កាទៅប្រពន្ធខ្ញុំក៏ដោយ ក៏កាលពីថ្ងៃទិវាសិទ្ធិនារីអន្តរជាតិខែមុននេះ ខ្ញុំបានឌុបគាត់ដើរលេងមុខវាំងកម្សាន្តជាមួយកូនៗ ហើយហូបចំណីតិចតូចតាមធនធានដែលខ្ញុំមាន។ ពួកយើងពិតជាមានសេចក្តីរីករាយណាស់»។

លោក សីហា បាននិយាយថា រស់នៅជាមួយគ្នាជាប្តីប្រពន្ធពិតជាមានកំហុស ដោយនៅពេលខ្លះប្តីមានកំហុស ហើយពេលខ្លះប្រពន្ធក៏មានកំហុស ហើយបើយើងមិនមានចិត្តស្ងប់ទេ នោះវាអាចនាំឲ្យមានជម្លោះទាស់ទែងគ្នា ដែលពេលខ្លះនាំឲ្យខាតបង់។

លោកបានបន្តថា «មានគ្រួសារខ្លះពេលមានបញ្ហាបានវាយតប់ប្រពន្ធកូនមានរបួសស្នាម ហើយត្រូវបាននគរបាលចាប់ដាក់គុក ដែលនាំឲ្យអាម៉ាស់ដល់កូនៗ ហើយពេលខ្លះកាប់គ្នាស្លាប់ក៏មាន។ ថ្វីត្បិតតែខ្ញុំក្រ រៀនមិនបានជ្រៅជ្រះនឹងគេមែន តែខ្ញុំមិនដែលវាយប្រពន្ធ និងជេរប្រមាថគាត់ឡើយ ព្រោះខ្ញុំគិតថា វាគ្នានប្រយោជន៍ទេ ហើយអាចនាំឲ្យអន្តរាយខ្លួនទៀតផង»។

អ្នកស្រី ចន្ធី ភរិយារបស់លោក សីហា ក៏បានបញ្ជាក់ដែរថា ការរស់នៅជាមួយគ្នាគឺប្រៀបដូចជាចានដាក់នៅក្នុងរៀវ គឺវាតែងតែទង្គិចប៉ះគ្នា តែបើយើងថ្មមវាបន្តិច វាមិនសូវឮខ្លាំងនោះទេ ហើយក៏មិនអាចបែកបានដែរ។

អ្នកស្រី ចន្ធី បានអះអាងថា ពេលប្តីគាត់ខឹងគាត់ម្តងៗ គាត់បានដើរចេញមួយសន្ទុះធំ ហើយក្រោមមកបានគាត់ត្រឡប់មកវិញ ហើយមានអារម្មណ៍ជាធម្មតា គឺថា «ពួកយើងជាអ្នកក្រមែន តែចិត្តរបស់យើងមិនក្រទេ»។

លោក តាំង អឿន អាយុ ៤២ ឆ្នាំ មន្រ្តីរាជការក្នុងក្រសួងសុខាភិបាលបាននិយាយថា អំពើហិង្សានាំឲ្យរំខានដល់ការអភិវឌ្ឍសេដ្ឋកិច្ចគ្រួសារ និងការអភិវឌ្ឃជាតិ ដោយលោកបញ្ជាក់ថា «ប្រសិនបើគ្រួសារមួយគ្មានអំពើហិង្សាក្នុងគ្រួសារ ហើយចេះរកហេតុផលមកដោះស្រាយតាមសន្តិវិធី ប្រកបដោយសីលធម៌ នោះសមាជិកគ្រួសារពិតជាមានសុភមង្គល និងមានឱកាសក្នុងការលើកស្ទួយជីវភាពក្នុងគ្រសារបាន ព្រមទាំងមានការគោរពកោតសរសើរពីអ្នកជិតខាង និងសង្គមទៀតផង។

កន្លងមកនៅក្នុងសង្គមកម្ពុជា មានស្រ្តីជាភរិយា និងកូនៗបាទទួលរងផលប៉ះពាល់ពីអំពើហិង្សាក្នុងគ្រួសារ ហើយពួកគេបានអំពាវនាវសុំឲ្យរដ្ឋាភិបាលជួយទប់ស្កាត់តាមផ្លូវច្បាប់ ដើម្បីដាក់ទោសបុរសណាដែលប្រើហិង្សាហួសហេតុមកលើភិយា និងកូនៗ។ បើគ្រួសារមានសុភមង្គលក៏នាំឲ្យសុខភាពសមាជិកគ្រួសារបានល្អដែរ។

អ្នកបំពេញការងារអំប់រំទប់ស្កាត់អំពើហិង្សាក្នុងគ្រួសារបានឲ្យដឹងថា អំពើហិង្សាក្នុងគ្រួសារ បែងចែកជាបួនគឺ អំពើហឹង្សាផ្លូវកាយ ផ្លូវចិត្ត ផ្លូវភេទ និងផ្នែកសេដ្ឋកិច្ច៕ (អត្ថបទនេះសរសេរឡើងក្រោមការគាំទ្រពីអង្គការ Trocaire) ព័ត៌មានសុខភាព ៣០ មេសា ឆ្នាំ ២០១២)

ភេសជ្ជៈដែលពុំគួរទទួលទានជាមួយថ្នាំ

អំពីយើង — Fri, 27 Apr 2012 03:13:47 +0000

ត្រូវប្រយ័ត្នពេលដែលអ្នកមានបំណងលេបថ្នាំជាមួយពពួកសារជាតិរាវ ពុំមែនជាទឹកស្អាត។ ភេសជ្ជៈជាទូទៅដូចខាងក្រោមនេះអាចបង្កគ្រោះថ្នាក់ដល់ស្លាប់ពេលទទួលទានគួបផ្សំជាមួយថ្នាំ។

ទឹកក្រូចត្លុង

ទឹកក្រូចត្លុង មានឥទ្ធិពលអសកម្មជាង ៥០ប្រភេទថ្នាំ រួមមានទាំងថ្នាំ Statin។ ដោយសារឥទ្ធិពលរបស់អម្បូរក្រូចឃ្វិចឡើងដល់២៤ម៉ោង ហេតុនេះនឹងគ្មានលទ្ធផល ប្រសិនអ្នកលេបថ្នាំនិងផឹកទឹកក្រូចត្លុងក្នុងថ្ងៃតែមួយ។

ទឹកផ្លែទទឹម

អង់ហ្ស៊ីមមួយប្រភេទត្រូវបានរកឃើញនៅក្នុងទឹកផ្លែទទឹម ដែលអាចធ្វើឱ្យថយចុះប្រសិទ្ធភាពថ្នាំព្យាបាលជំងឺលើសឈាម។

ទឹកដោះគោ

កាល់ស្យូមមាននៅក្នុងទឹកដោះគោ ទឹកសណ្តែក ទឹកផ្លែឈើផ្ទុកទឹកដោះ អាចរារាំងប្រសិទ្ធភាពរបស់ឱសថព្យាបាលជំងឺក្រពេញទីរ៉ូអ៊ីដ។ ល្អបំផុតគឺត្រូវរង់ចាំយ៉ាងតិច ៤ម៉ោងក្រោយពេលផឹកថ្នាំរួច ទើបទទួលទានភេសជ្ជៈសម្បូរកាល់ស្យូម។

ភេសជ្ជៈមានជាតិកាហ្វេអ៊ីន

ក្រុមភេសជ្ជៈនេះ រួមមានកាហ្វេ តែបៃតង និងពពួកភេសជ្ជៈថាមពល…។ កាហ្វេអ៊ីនអាចគំរាមកំហែងធ្ងន់ធ្ងរដល់សុខភាពពេលប្រើប្រាស់រួមជាមួយ ពពួកឱសថមានសារជាតិរំញោចនេះ ចូរចៀសឆ្ងាយពីកាហ្វេពេលអ្នកកំពុងប្រើថ្នាំរារាំងភាពឃ្លាន ថ្នាំព្យាបាលហឺត និងពពួកថ្នាំរំញោច។

ភេសជ្ជៈកីឡា

សារជាតិប៉ូតាស្យូម មាននៅក្នុងពពួកភេសជ្ជៈសម្រាប់អ្នកលេងកីឡា អាចប្រែជាគ្រោះថ្នាក់ ប្រសិនប្រើផ្សំជាមួយសមាសធាតុមួយចំនួននៃឱសថព្យាបាលជំងឺខ្សោយបេះដូង លើសឈាម។ ពុំត្រឹមតែភេសជ្ជៈកីឡាប៉ុណ្ណោះទេ អ្នកក៏ត្រូវប្រយ័ត្នជាមួយចេក ព្រោះវាជាប្រភេទផ្លែឈើសម្បូរប៉ូតាស្យូម។

ស្រា

ត្រូវចៀសឆ្ងាយការទទួលទានស្រាពេលអ្នកកំពុងប្រើថ្នាំព្យាបាល ជំងឺសរសៃ ប្រសាទផ្លូវចិត្ត។ ការគួបផ្សំនេះអាចបង្កជាជំងឺឈឺក្បាល, ចង្វាក់បេះដូងញាប់ និងងាយដាច់សរសៃឈាមខួរក្បាល៕

ធាត់ដុះក្បាលពោះជាសញ្ញាធ្លាក់ចុះសមត្ថភាពផ្លូវភេទ

អំពីយើង — Fri, 27 Apr 2012 02:53:36 +0000

ទោះបីជាបុរសៗមានថ្នាំជំនួយផ្លូវភេទវីយ៉ាក្រាក៏ដោយ ក៏ឱសថបង្កើនសមត្ថភាពផ្លូវភេទនេះមានឥទ្ធិពលក្នុងពេលវាយលុកលើ គ្រែតែម្ដងប៉ុណ្ណោះ។ ថ្នាំវីយ៉ាក្រាមិនអាចមានប្រសិទ្ធភាពបានយូរអង្វែងដែរ។

ដូច្នេះបើមានបំណងចង់ឲ្យសម្ព័ន្ធភាពរួមរ័ករបស់ខ្លួនមានរយៈពេល យូរនោះ គួរងាកមករកការធ្វើលំហាត់ប្រាណឲ្យបានច្រើនកាត់បន្ថយការធាត់ ដុះក្បាលពោះ និងងាករករបបអាហារសមស្រប មិនសូវមានជាតិខ្លាញ់ សាច់ ឬប៊ើរដែលអាចបណ្ដាលឲ្យធាត់នោះ។

ការសិក្សាថ្មីមួយបានឲ្យដឹងថា ការសម្រកទម្ងន់ត្រឹមតែ ៥ ទៅ ១០ ភាគរយ អាចធ្វើបានក្នុងរយៈពេលជាងពីរខែនោះ អាចធ្វើឲ្យសកម្មភាពផ្លូវភេទរបស់បុរសមានភាពប្រសើរឡើងវិញ បាន។ វាអាចជួយឲ្យបុរសកាត់បន្ថយការប្រឈមនឹងជំងឺទឹកនោមផ្អែម ជំងឺលើសឈាម រោគបេះដូង និងអស់ខ្លាញ់ក្បាលពោះ ដែលសម្រួលដល់ការវាយលុកលើគ្រែបានគ្រប់ក្បាច់គ្រប់សណ្ឋានផងដែរ ។

មានវិធីច្រើនដែលបង្ហាញថា បុរសៗធាត់ញ៉ុកខ្លាញ់ និងដុះក្បាលពោះអាចមានភាពប៉ះពាល់ដល់សម្ព័ន្ធភាពរួមភេទថយចុះ។ ដូចជា ការឡើងសម្ពាធឈាមគឺអាចប៉ះពាល់ប្រដាប់ភេទបុរស ហើយវាអាចបង្កឲ្យសកម្មភាពផលិតអ័រម៉ូន ឬ ទឹកស្ពែមមានការធ្លាក់ចុះ៕

Cambodia Health (សុខភាពកម្ពុជា)

ការរួមភេទមិនប៉ះពាល់អ្នកកើតជំងឺគាំងបេះដូង

Related Posts:

ញ៉ាំអាហារលឿនពេកមិនល្អចំពោះសុខភាព

Related Posts:

ញ៉ាំស៊ុតចៀនពេលព្រឹកល្អសម្រាប់សុខភាព

Related Posts:

ម្ដាយធាត់ អាចប៉ះពាល់សុខភាពកូនក្នុងផ្ទៃ

Related Posts:

មហារីកសុដន់គ្រោះថ្នាក់ខ្លាំងសម្រាប់បុរស

Related Posts:

អាហារដែលល្អបំផុត និងអាក្រក់បំផុតសម្រាប់ការសម្រកទម្ងន់

Related Posts:

ស្រ្ដីមានអារម្មណ៍ស្រ្ដេសប៉ះពាល់បេះដូង

Related Posts:

បញ្ជៀសទុក្ខសោករបស់សមាជិគ្រួសារពីអំពើហិង្សាក្នុងគ្រួសារ

Related Posts:

ភេសជ្ជៈដែលពុំគួរទទួលទានជាមួយថ្នាំ

Related Posts:

ធាត់ដុះក្បាលពោះជាសញ្ញាធ្លាក់ចុះសមត្ថភាពផ្លូវភេទ

Related Posts:

Cambodia Health (សុខភាព​កម្ពុជា)

ការរួមភេទមិនប៉ះពាល់​អ្នកកើតជំងឺគាំងបេះដូង

Related Posts:

ញ៉ាំអាហារលឿនពេកមិនល្អចំពោះសុខភាព

Related Posts:

ញ៉ាំស៊ុតចៀនពេលព្រឹកល្អសម្រាប់សុខភាព

Related Posts:

ម្ដាយធាត់ អាចប៉ះពាល់សុខភាពកូនក្នុងផ្ទៃ

Related Posts:

មហារីកសុដន់គ្រោះថ្នាក់ខ្លាំងសម្រាប់បុរស

Related Posts:

អាហារដែលល្អបំផុត និងអាក្រក់បំផុតសម្រាប់ការ​សម្រកទម្ងន់

Related Posts:

ស្រ្ដីមានអារម្មណ៍ស្រ្ដេសប៉ះពាល់បេះដូង

Related Posts:

បញ្ជៀសទុក្ខសោករបស់សមាជិគ្រួសារពី​អំពើហិង្សា​ក្នុងគ្រួសារ

Related Posts:

​ភេសជ្ជៈដែលពុំគួរទទួលទានជាមួយថ្នាំ

Related Posts:

ធាត់ដុះក្បាលពោះជាសញ្ញា​ធ្លាក់ចុះសមត្ថភាពផ្លូវភេទ

Related Posts:

Cambodia Health (សុខភាពកម្ពុជា)

ការរួមភេទមិនប៉ះពាល់អ្នកកើតជំងឺគាំងបេះដូង

អាហារដែលល្អបំផុត និងអាក្រក់បំផុតសម្រាប់ការសម្រកទម្ងន់

បញ្ជៀសទុក្ខសោករបស់សមាជិគ្រួសារពីអំពើហិង្សាក្នុងគ្រួសារ

ភេសជ្ជៈដែលពុំគួរទទួលទានជាមួយថ្នាំ

ធាត់ដុះក្បាលពោះជាសញ្ញាធ្លាក់ចុះសមត្ថភាពផ្លូវភេទ